2026-жылдан тарта Бишкек шаар куруу жана архитектура башкы башкармалыгынын адистери борбор калаадагы бир катар турак жай массивдерин газ менен камсыздоо боюнча инженердик-техникалык шарттарды иштеп чыгышты.
Маалыматка ылайык, даярдалган документтер буйрутмачы болгон «Газпром Кыргызстан» ЖЧКсына өткөрүлүп берилди.
Инженердик-техникалык шарттар Жал, Сарбан, Төмөнкү Орок, Жогорку Орок, Эне-Сай, Жер-Ынтымагы (69 га), Селекция жана Биримдик турак жай массивдерин газ бөлүштүрүү тармактарына кошуунун техникалык параметрлерин аныктап, газ түтүктөрүн долбоорлоо жана андан аркы курулуш иштерине негиз болот.
Адистердин айтымында, бул борборлоштурулган газ менен камсыздоого багытталган маанилүү этап болуп саналат. Долбоор жаңы жана активдүү курулуп жаткан райондордо инженердик инфраструктураны өнүктүрүүгө жана шаар тургундарынын жашоо шартын жакшыртууга багытталган.
Долбоор ишке ашкандан кийин аталган турак жай массивдерин заманбап жана ишенимдүү газ менен камсыз кылууга, ошондой эле Бишкек шаарынын инфраструктурасын мындан ары өнүктүрүүгө шарт түзүлөт.
