Борбор калаанын 6-кичи районундагы Сухе Батор жана Юнусалиев көчөлөрүнүн кесилишинде жаңы коомдук бакча ачылды. Бул тууралуу мэриянын маалымат кызматы билдирди.
Маалыматка ылайык, эс алуучу жайдын ачылышына «Бишкекасфальтсервис», «Бишкек жашыл чарба» муниципалдык ишканасы жана активдүү шаар тургуну салым кошкон.
«Бишкексфальтсервис» ирригациялык лотокторду, тротуар жана жолдун чекелерин, темир бетон болгон сугат түтүктөрдү, суу өткөрүүчү люктарды жана темир тосмолорду орнотуп, асфальт төшөп берген.
Демөөрчү Нариман Кыбраев отургуч, таштанды челек, жарык берген мамы, автоматтык сугаруу системасы, арык, бак-дарак, гүл, Wi-Fi жана башка сквер үчүн керектүү нерселер менен камсыздаган.
Эскерте кетсек, «Бишкек жашыл чарба» бактын көчөттөрүн отургузуп, жерди тегиздеп газон кылышты. Жакын арада дагы 11 жалбырактуу бак-дарак отургузулат.
