Бишкекте Эл аралык террористтик уюмдун мүчөсү кармалды. Бур тууралуу УКМКнын басма сөз кызматы билдирди.
Маалыматка ылайык, ушул жылдын 16-декабрында УКМК тарабынан Эл аралык террористтик уюмдун мүчөсү “С.Т.” кармалган.
Такталган маалымат боюнча, “С.Т.” Сирияда согуштук даярдыктан өтүп жана Эл аралык террористтик уюмдун (ЭТУ) катарында өкмөттүк күчтөргө каршы согуштук аракеттерге катышкан.
Сотко чейинки өндүрүштүн алкагында кармалган адам КР УКМК убактылуу кармоочу жайдын тергөө абагына киргизилди. Учурда УКМК тарабынан “С.Т” тарабынан жасалган кылмыштардын башка эпизоддорун жана кылмыштуу байланыштарын аныктоо боюнча ыкчам-тергөө иш-чараларынын комплекси уланып жатат.
