Кечээ, 10-июлда Бишкек шаарынын Ленин районунун муниципалдык аймактык башкармалык 2- (МТУ-2) жашоочуларына акча таратып жаткан жеринен «Эмгек» партиясынын өкүлү «K.E.A.» кармалды. Бул тууралуу УКМКнын маалымат кызматы билдирди.
Иликтөө иштеринин жүрүшүндө кармалган «К.Э.А.» «Эмгек» партиясынан талапкер «Р.у.Т.» көрсөтмөсү боюнча МТУ-2 жашоочуларынын ар бир катталган шайлоочуга 1000 сомдон акча каражатын таратып жатканы белгилүү болгон.
«К.Э.А.» тинтүү учурунда бөлүштүрүү үчүн арналган 10 миң сомдук акча каражатты, ошондой эле акча каражаттарын алгандыгы жөнүндө белги коюлган шайлоочулардын тизмеси табылып алынды.
УКМК бул фактыны Кылмыш-жаза кодексинин 192-беренеси (добуш сатып алуу) боюнча кылмыштардын жана жоруктардын бирдиктүү реестрине каттап, сотко чейинки өндүрүш ишин баштаган. Учурда УКМК тарабынан тиешелүү ыкчам-тергөө иш-чаралар улантылууда.
