Бишкекте 34 млн сом уурдоого шектелип 28 жаштагы жаран кармалды. Бул тууралуу шаардык милициядан билдирди.
Маалыматка ылайык, 8-июлда милицияга шаар тургуну арыз менен кайрылган. Ал билдиргендей, белгисиз адам анын үйүнө кирип, 34 млн сом акчасын уурдап кеткен.
Бул факт боюнча «уурулук» беренеси менен кылмыш иши козголгон.
Иликтөө иштеринин жүрүшүндө, бул ишке шектүү катары 28 жаштагы Т.Б. аттуу жаран кармалган. Ленин райондук сотунун чечими менен ал тергөө аяктаганча №1 тергөө абагына камакка алынган.
Милиция билдиргендей, шектүүнүн үйүндө тинтүү жүргүзүлүп, 4 млн 386 миң сом табылып алынган.
Учурда иликтөө иштери жүрүп жатат.
