Бүгүн Бишкекте КИТ-2025 маалымат технологиялар форуму башталды. Бул IT жана санариптик инновациялар тармагындагы ири иш-чаралардын бири.
Форумга санариптик өнүктүрүү жана инновациялык технологиялар министри Азамат Жамангулов, эл аралык эксперттер, мамлекеттик органдардын өкүлдөрү жана IT-адистер катышууда.
Форум Кыргызстандын инвестициялык мүмкүнчүлүктөрүн ачуу жана эл аралык инвесторлордун көңүлүн өлкөнүн потенциалына буруу максатын көздөйт.
Белгилей кетсек, форумдун катышуучуларына кызыктуу панелдик талкуулар, интерактивдүү мастер-класстар, ошондой эле натыйжалуу нетворкинг түзүү үчүн мүмкүнчүлүктөр күтөт.
KИT форуму IT тармагынын негизги жылдык иш-чарасы болуп саналат. Ал Кыргызстанда 2010-жылдан бери өткөрүлүп келет жана дүйнөнүн бардык бурчунан алдынкы эксперттерди, компания жетекчилерин, иштеп чыгуучуларды жана студенттерди бириктирет.
