Бүгүн, 19-октябрда Иса Ахунбаев атындагы Кыргыз мамлекеттик медицина академиясында коронавирус пандемиясы учурунда көз жумган медиктерге жана студенттерге арналып тургузулган айкелди ачуу аземи өттү.
Иш-чарага студенттер, дарыгерлер, көз жумган медиктердин жакындары, Бишкек шаарынын вице-мэри Виктория Мозгачева жана мамлекеттик катчы Сүйүнбек Касмамбетов катышты.
Мемориалда «Адамзатка жарык чачып, өзүм өчүп баратам! Өтсөм дагы бул дүйнөдөн, жакшылыкты жаратам!» деп жазылган. Ошондой эле коронавирус менен күрөшүп жаткан 2 медиктин айкели тургузулган.
