Бишкекте жашы жете элек кыздарды кыйнап, коркутуп, сойкулукка мажбурлаган деп эки аял кармалды. Бул тууралуу ШИИББден билдирди.
24-сентябрда милицияга Абдымомунов көчөсүндөгү үйлөрдүн биринде белгисиз адамдар жашы жете элек кыздарды кыйнап, сексуалдык кызмат көрсөтүүгө мажбурлап жаткандыгы тууралуу маалымат түшкөн.
Бул факт боюнча Кылмыш-жаза кодексинин «Сойкулукка тартуу» беренеси менен кылмыш иши козголду. Анын алкагында 19 жаштагы А.А. жана 29 жаштагы Х.Ж. кармалып, экөө тең убактылуу кармоочу жайга киргизилди.
Учурда кылмыш ишин тергөө уланууда.
