Бишкекте «Өлбөс полк» акциясын өткөрүүгө уруксат берилди. Бул тууралуу 29-апрелде Коомдук ишмер, «Өлбөс полк Кыргызстан» акциясынын уюштуруучусу Зульфира Хайбуллина билдирди.
«Уруксат алынды! Каттоого чакырабыз! «Өлбөс полк» – алга!» — деп айтылат анын билдирүүсүндө.
Акцияны өткөрүү боюнча толук маалымат, анын ичинде убактысы жана маршруту кийинчерээк кабарланат.
Өткөн жылы жөө жүрүш 9-майда өткөн. Жөө жүрүш Түштүк дарбазадагы сейил бактан башталып, Жеңиш аянтындагы Өчпөс оттун жанында аяктаган.
