«Кыргызтелеком» ачык акционердик коому президенттин иш башкармалыгынын карамагына өткөрүлдү. Тиешелүү токтомду министрлер кабинети кабыл алды.
Буга чейин компаниянын 78 пайыз акциясы Санариптик өнүктүрүү министрлигине таандык болчу. «Кыргызтелекомдун» уставдык капиталы 1,3 миллиард сомду түзөт, ал эми компанияда 2200гө жакын кызматкер иштейт.
Учурда президенттин иш башкармалыгынын карамагына туризм, кыймылсыз мүлк, байланыш жана башка тармактарда иш алып барган бир катар мамлекеттик ишканалар да алынган.
