Бишкекте мас абалындагы айдоочу сүзүп кеткен кыз көз жумду. Бул тууралуу журналисттерге Жол кыймылын көзөмөлдөө башкармалыгынан билдиришти.
Буга чейин Милициянын кайгуул кызматы унааны сүзүп, андан кийин кызды сүзүп, жол жээгиндеги мамыны сүзүп токтогон айдоочу кармалганын билдирген. Кыз оор абалда ооруканага жеткирилгени маалымдалган. Окуя бүгүн, 7-апрелде Бишкектеги Чүй менен Исанов көчөлөрүнүн кесилишинде болгон. Кылмышка шектелип 27 жаштагы айдоочу кармалган. Анын мас абалында экендиги аныкталган.
