Бишкекте мас абалындагы айдоочу “Желмаян” менен сүзгөн жүргүнчү комада жатат. Бул тууралуу МККБнын Басма сөз кызматы билдирди.
Маалыматка ылайык, окуя 2026-жылдын 2-март күнү болжол менен саат 20:40 чамасында Асаналиев көчөсүндө болгон. “Желмаяндын” айдоочусу 1986-жылы туулган М.М.С. аттуу жаран 1978-жылы туулган О.М. аттуу жөө жүргүнчүнү сүзүп, андан соң окуя болгон жерден качып кеткен.
Жүргүзүлгөн ыкчам издөө иш-чараларынын натыйжасында айдоочу аныкталып, кийинки күнү МККБнын издөө бөлүмүнүн кызматкерлери тарабынан кармалды.
Ал эми жөө жүргүнчү О.М. алган оор жаракаттарынан улам учурда кома абалында жатат. Айдоочу мындан аркы териштирүү иштерин жүргүзүү үчүн тергөө кызматына өткөрүлүп берилди.
