Бишкекте Кайгуул кызматынын тескөөчүсүнө пара берип жаткан жеринен чет өлкөлүк жаран кармалды. Бул тууралуу ИИМдин басма сөз кызматы билдирди.
Маалыматка караганда, 1-августта Бишкекте мас абалында унаа башкарып бара жаткан 2002-жылы туулган айдоочу токтотулуп, протокол толтуруу менен унаасы айып короого токтотулган.
Кийин айдоочунун 2001-жылы туулган таанышы маселени оң жагына чечүү үчүн Кайгуул кызматынын кызматкерине пара сунуштап, 10 миң сом берип жаткан жеринен кармалды.
Бул факты боюнча кылмыш иши козголуп, тергөө амалдары жүрүүдө.
