Мамлекеттик гимндин жаңы редакциядагы текстинин жана музыкасынын долбоорлорун тандоо боюнча комиссиянын төрагасы Марат Иманкулов композиторлор, обончулар жана музыка ишмерлери менен жолугушту.
Тандалып алынган гимндин жаңы текстинин 5 долбооруна музыкалык чыгарма жаратууга сынак жарыяланды.
Сынакка катышуу үчүн өтүнмөгө төмөнкү документтер тиркелиши керек:
— музыкалык чыгарманы музыкалык аспаптын коштоосунда же хор/оркестр менен вокалдык жана аспаптык аткаруудагы аудио же видеожазуу (USB-флеш-алып жүрүүчүдө);
— гимн долбоорунун ноталык жазуусу (партитурасы) кагаз жүзүндө;
— гимн долбоорунун тексти кагаз жүзүндө;
— ар бир автордун жеке маалыматтарын иштеп чыгууга макулдугу.
Эске сала кетсек, долбоорлордун кагаз жүзүндөгү варианты 2025-жылдын 8-сентябрына чейин төмөнкү дарекке жөнөтүлүшү керек: 720040, Бишкек шаары, Пушкин көчөсү, 78.
Ал эми электрондук варианттары төмөнкү дарекке жөнөтүлөт: gimn.2025@minculture.gov.kg
