Бишкекте 16-мартта жол кырсыгынан бир адам каза таап, экинчиси оор абалда ооруканага жеткирилген. Бул тууралуу МККБнын басма сөз кызматы билдирет.
Маалыматка ылайык, аталган күнү саат 21:10 чамасында айдоочусу Ж.И.Ж., 2001-ж.т., Шевроле-Камаро үлгүсүндөгү автоунаасы менен Шабдан баатыр көчөсүндө батыш багытта бара жатып, рулга ээ боло албай жолдун жээгиндеги бордюрду сүзүп, андан соң бак-дарактарды сүзүп аласалып кеткен. Алган жаракатынан улам айдоочу окуя болгон жерде каза болгон.
Ал эми жанындагы жүргүнчү Б.З.З., 2002-ж.т., №4 ШК ооруканага акыреги, далысы, бел омурткасынан сынык жаракат жана бетинен кулагынан жаракат алып жандандыруу бөлүмүнө жаткырылган.
«Учурда автоунаа айып токтотуучу жайга киргизилип, бардык тиешелүү укуктук экспертизалар дайындалган. Анын жыйынтыгы боюнча КРнын КЖПКнын ченемдерине ылайык чечим кабыл алынат», — делет маалыматта.
