Ленин районунун Чынгыз Айтматов жана Лев-Толстой көчөлөрүнүн кесилишинде жайгашкан Ленин заводунун аймагындагы темир эритүүчү цехтен өрт чыкты. Бул тууралуу ӨКМнын басма сөз кызматы билдирет.
Маалыматка ылайык, өрттү өчүрүүгө ӨКМнен жалпы 3 өрт өчүрүүчү бөлүм, 1 суу ташуучу унаа, Штаб жана ККББдан ыкчам топ тартылган.
Мындан сырткары Бишкек шаардык суу чарба башкармалыгынан 1 бригада тартылып, өрт саат 07:23тө чектөөгө алынган.
Алдын ала маалымат боюнча өрттүн болжолду аянты 500 м2. Жабыркагандар жок.
Учурда өрттү толук өчүрүү иштери жүргүзүлүүдө.
