К.И.Скрябин атындагы Кыргыз улуттук агрардык университетинин жер тилкесинин мурда мыйзамсыз алынган бөлүгү мамлекеттин балансына кайтарылды. Бул тууралуу УКМК билдирет.
Аталган университетке тиешелүү болгон жер тилкеси 1998-жылы Кыргыз улуттук агрардык университетинин балансынан мыйзамсыз чыгарылып, жеке менчикке берилген.
Жүргүзүлгөн иликтөөнүн негизинде бул жер тилкесинин менчик ээси өз ыктыяры менен жана акысыз түрдө жер тилкесин Мамлекеттик мүлктү башкаруу боюнча мамлекеттик агенттиктин балансына өткөрүп берген, анын базар баасы 130 млн 711 миң сомду түзөт.
Бул кылмышка тиешеси бар кызмат адамдарына карата тергөө иштери уланууда.
