Бишкекте унаа уурдоого шектүү кармалды. Бул тууралуу борбор калаанын Патрулдук милиция кызматынын басма сөз кызматы билдирди.
Анын айтымында, кечээ,19-сентябрда 57 жаштагы аял Исанов көчөсүндөгү унаа токтотуучу жайда бир нече адам анын унаасын уурдап кеткенин айтып, арыз менен кайрылган.
Патрулдук милиция кызматынын кызматкерлери 20 жаштагы шектүүнү кармап, иликтөө үчүн Биринчи Май РИИБге жөнөтүшкөн. Бул факты Кылмыштардын жана жоруктардын бирдиктүү реестрине катталып, Кыргыз Республикасынын Кылмыш-жаза кодексинин 206-беренеси «Автоунаа уурдоо» боюнча сотко чейинки өндүрүш башталды.
