УКМК алдамчылык фактысы менен дагы бир депутатты кармады. Бул тууралуу аталган мекеменин басма сөз кызматы билдирди.
Маалыматка ылайык, «Кыргызстан» саясий партиясынын мүчөсү, ЖК мурдагы депутаты Нурматов Кубанычбек алдамчылык фактысы менен УКМК тарабынан кармалган.
Белгилегендей, тергөө учурунда экс-депутаттын алдамчылык иштерге тиешеси бар экендиги боюнча далилдер табылды.
2013-жылы Нурматов Кубанычбек Кыргыз Республикасынын Эсеп палатасынын аудитору болуп турган учурда 500 миң доллардан ашык суммадагы кыймылсыз мүлктү алдамчылык менен алып алган.
2021-жылдын 20-сентябрында Кыргыз Республикасынын Жазык-процессуалдык кодексинин 98-беренеси боюнча алдамчылыкка шектелип Нурматов Кубанычбек кармалып, УКМКнын тергөө камак жайынын убактылуу кармоочу жайына киргизилди.
