4-январга караган түнү Бишкек менен Жалал-Абадда 2 адам иске ууланып, каза болду. Бул тууралуу ӨКМден билдиришти.
Маалыматка ылайык, Свердлов районунун Ак-Бата конушунда жайгашкан турак үйдөн өрт чыккандыгы тууралуу маалымат түшкөн.
Тилсиз жоонун кесепетинен турак үйдүн аянты 30 чарчы метр болгон жыгач устундуу шифер менен жабылган устундары, рейкасы, диван жана төшөнчүлөрү күйүп, 1975-жылы туулган К.Б аттуу эркек киши түтүнгө ууланып, каза тапкан.
Ал эми, ошол эле күнү Жалал-Абад облусуна караштуу Сузак районунун Ырыс а/а, Күмүш-Азиз айылында жайгашкан турак үйдөн өрт чыккандыгы тууралуу маалымат түшкөн.
Кырсыктын кесепетинен жыгач устундуу шифер менен жабылган турак үйдүн 54 чарчы метр шыбы күйүп, 1971-жылы туулган Ч.З аттуу эркек киши иске ууланып, каза болгон.
Учурда өрттүн себеби такталууда.
