Бишкекте жаранды бычактап качып кеткен шектүү кармалды. Бул тууралуу Бишкек ШИИББинин басма сөз кызматы билдирди.
Маалыматка ылайык, ушул жылдын июнь айында Бөкөнбаев көчөсүндө белгисиз жарандар жабырлануучуну бычактап кеткени тууралуу маалымат түшкөн. Анда эс алуучу жайлардын биринде жабырлануучу Н.Э. менен шектүү уруша кетип, ал бычак менен ичке сайып качып кеткен. Жабырлануучу ооруканага жаткырылган.
Бул факты каттоого алынып териштирүү иштери башталган.
Издөө иштеринин натыйжасында 1991-жылы туулган шектүү А.Г. атту жаран кармалып, тергөө бөлүмүнө өткөрүлдү.