Бишкекте 130 килограммдан ашык өстүрүлгөн кара куурай табылып алынды. Бул тууралуу УКМКдан билдиришти.
13-июнда Ч.Б.Т. аттуу жарандын жеке үйүн тинтүү иштери жүргүзүлүп, короосунан ири өлчөмдө өстүрүлгөн кара куурай бадалдары табылган. Ал жерди текшерүүдө өсүмдүктөр жасалма түрдө өстүрүлүп жатканы жана кылдаттык менен кам көрүлгөнү байкалган. Баңгизаты бар өсүмдүктөрдүн жалпы салмагы 130 килограммды түздү.
Аталган факты боюнча Кылмыш-жаза кодексинин 288-беренесинин (Баңгизат каражаттарын камтыган өсүмдүктөрдү себүү жана өстүрүү) негизинде кылмыш иши козголгон.
Учурда бардык жагдайларды тактоо боюнча иликтөө иштери жүргүзүлүүдө.
