Нигерияда кайык оодарылып кетип 100дөн ашуун адам сууга чөгүп, дагы көптөгөн адамдар дайынсыз болууда. Бул тууралуу эл аралык басылмалар билдиришти.
Маалыматка караганда, окуя Нигериянын түштүк чыгышында үлпөт тойдон кайтып келе жатканда болгон. Анда Квара штатынан Нигер штатына үч жүздөн ашуун адамды ташыган кайык сууда калкып жүргөн дарак менен кагылышып оодарылып кеткен.
Квара штатынын полициясы 106 адам каза болуп, 144 адам куткарылганын кабарлаган. Учурда издөө иштери улантылып жатат.
Эске салсак, өткөн айда Сокото штатынын түндүк-батышында кайыктын оодарылып кетишинен 15 адам каза болгон.
