Бишкекте жол куруу иштери 20-октябрга чейин толук аяктайт. Бул тууралуу Бишкек мэриясынын транспорт жана жол-транспорттук инфратүзүмдү өнүктүрүү департаментинин директорунун орун басары Абдыжапаркул Жанболотов “Биринчи радионун” түз эфиринен билдирди.
Анын айтымында, быйылкы жылга Бишкек шаарында 15 көчөнү оңдоп-түзөө планга киргизилсе анын 7 көчөсүндө жумуштар аяктап, 5 көчө толук кандуу ачылды.
Тактап айтканда, Бишкекте Жибек Жолу, Курманжан датка көчөсүнөн Лермонтов көчөсүнө чейин эки тараптуу жол, Жаш Гвардиядан Бөкөнбаев көчөсүнөн Жибек Жолу көчөсүнө чейинки эки тараптуу жолунун оңдоо иштери толук кандуу аяктап, эки тараптуу ачылды. Эң чоң Медеров көчөсү 7-апрелден Панфилов көчөсүнө чейин ремонт иштери бүттү.
Андан тышкары, мурунку Чүй көчөсү азыркы Шабдан Баатыр көчөсүн 7-апрелден Лермонтовага чейинки тилкесинин түндүк жак бөлүгү гана оңдолгондугун айтты.
“Себеби, Бишкек жылуулук тармагы көчөнүн алдындагы түтүктөрүн оңдоону кийинки жылга пландаштыргандыктан, жолду оңдоо да кийинки жылга калтырылды. Жер алдындагы Бишкек жылуулук тармагынын түтүктөрү оңдолгондон кийин жол ондолот”,-деди Жанболотов.
