Бүгүнкү күндө Бишкек шаарынын Көк-Жар конушунда жайгашкан №88 жалпы билим берүү мектебине кошумча 500 орундуу жаңы окуу корпусунун курулушу активдүү жүрүп жатат.
Курулуш иштери Курулуш, архитектура жана турак жай-коммуналдык чарба министри Нурдан Орунтаевдин тыкыр көзөмөлүндө аткарылып жатат.
Долбоорго ылайык, жаңы корпус заманбап талаптарга жооп берген 3 кабаттуу мектеп имараты болуп, бардык зарыл шарттар менен камсыздалат. Объекттин жалпы аянты 5525 чарчы метрди түзөт. Бүгүнкү күндө имараттын экинчи кабатынын колонналарын тургузуу иштери аяктап, курулуштун кийинки этабы башталды.
Белгилей кетсек, Президент Садыр Жапаров тарабынан берилген тапшырманын алкагында республикалык бюджеттин эсебинен Бишкек шаарында 20 жаңы мектептин курулушу ыкчам темпте жүргүзүлүүдө.
