16-февраль күнү үч адамды өлтүрүүгө шектелген жаран мурда УКМКда кызмат өтөгөн деген маалыматка Улуттук коопсуздук мамлекеттик комитети комментарий берди.
«Үч адамдын өлүмүнө шектүү катары кармалган 1986-жылы туулган А.Ч.К. 2006-жылы Мамлекеттик күзөт кызматына жумушка алынып, 2021-жылга чейин кызмат өтөгөн. Белгилүү болгондой, Мамлекеттик күзөт кызматы 2010-жылдан кийин жоюлуп, түзүмдүк бөлүм катары УКМКга киргизилген. 2021-жылы А.Ч.К. пенсияга эмгек стажына байланыштуу УКМКнын 9-кызматынан бошотулган», — деп айтылат маалыматта.
Эскерте кетсек, 16-февралда түндө Бишкектеги батирлердин биринен апасын, кызын жана уулун өлтүрүп кеткишкен. Милиция кызматкерлери кылмышка шектүү катары 37 жаштагы жаранды кармашкан.
