Бишкектин караоке-барларрынын биринде аялды тоголото урган эркек, аялдын жолдошу болуп чыкты. Октябрь РИИБинин маалымат кызматы интернетте тараган тасмага оперативдүү реакция жасап, окуя болгон жерге, ыкчам иликтөөчүлөр барып кабар алгандыгын кабарлайт.
Окуя, 28-августтан 29уна караган түнү, болжолдуу саат 01:20лар чамасында, Бишкектин Сухэ-Батор көчөсүндөгү «40Х40» караоке барында катталган. Бардын администратору окуяга күбө болгондугун, көз алдында аялды белгисиз эркек тоголото чапкандыгын айткан.
Администратор милицияга кабар бермекчи болгондо, жабырлануучу аял өзү каршылык көрсөтүп, урган эркек анын жолдошу экендигин, өз ара чырлаша кеткендигин айткан. Соңунда жубайлар ал жерден чогуу чыгып кетишкен.
Ошондой болсо да, Октябрь РИИБи жогорудагы факт боюнча «бейбаштык» беренеси менен иш козгоп, сотко чейинки өндүрүш ишин баштаган.
Посмотреть эту публикацию в Instagram
