26-апрель күнү Бишкек шаарынын айрым көчөлөрүндө убактылуу таза суу берүү токтотулат. Бул тууралуу Бишкек мэриясы билдирди.
«Жайкы мезгилге даярдануу үчүн 26-апрель күнү саат 09:00дөн кечки 20:00гө чейин чейин Белинский суу алуучу жайында жана шаардык суу түтүктөрүндө техникалык оңдоо иштерине байланыштуу Фрунзе, Күреңкеев, Абдрахманов жана Жаш Гвардия бульварында таза суу берүү токтотулат», — дейт маалыматта.
«Бишкек суу канал» ишканасы келтирилген ыңгайсыздыктар үчүн кечирим сурайт жана шаар тургундарынан, мекемелерден ичүүчү сууну камдап алууну өтүнөт.