Бүгүн, 11-октябрда Бишкектин айрым жерлеринде суу болбойт. Бул тууралуу мэриядан билдиришти.
Маалыматка ылайык, саат 9:00дөн 21:00гө чейин Белинский суу алгычында жана шаардык суу түтүктөрүндө оңдоо иштерин жүргүзүүгө байланыштуу Фрунзе көчөсү, Манас проспекти, Жибек Жолу проспекти, Турусбеков, Баялинов жана Абдрахманов көчөлөрү менен чектешкен аймакта суу убактылуу токтотулат.
Бишкек мэриясы келтирилген ыңгайсыздыктар үчүн кечирим сурайт жана мекеме-уюмдарды жана калкты ичүүчү сууну алдын ала камдап алууларын суранат.
