Бишкек мэриясынын Билим берүү башкармалыгына 30 жаштагы Назгүл Лосникова жетекчи болуп дайындалды. Бул тууралуу башкармалыктын басма сөз кызматы билдирди.
Маалыматка ылайык, Назгүл Лосникова 15 -сентябрда эле дайындалган, аны ошол эле күнү коллективге тааныштырышкан.
Белгилей кетсек, буга чейин ал Билим берүү жана илим министрлигинде иштеген, билим берүү бөлүмүнүн эксперти, өкмөттүн аппаратында маданият жана спорт бөлүмүндө, андан соң президенттик администрацияда иш алып барган.
Буга чейин башкармалыкты Элмира Иманалиева жетектеп келген, бирок ал белгисиз себептерден улам кызматтан кеткен.
