Бишкектин четиндеги айланма жолдо кырсык катталып, айдоочу көз жумду. Бул тууралуу Чүй облустук ички иштер башкы башкармалыгынан кабарлашты.
«29-январда кечки саат 19:25тер чамасында Бишкек — Нарын — Торугарт унаа жолунда 1995-жылы туулган айдоочу «Тойта-Приус» унаасы менен чыгыштан батышты көздөй бара жатып рулга ээ боло албай оор жүк ташуучу «Ситрак» унаасын сүзгөн. Анын айдоочусу Кытай жараны 1982-жылы туулган А.Л. болгон. Кырсыктын кесепетинен жеңил унаанын айдоочусу окуя болгон жерде каза болуп, анын эки жүргүнчүсү ар кандай жараат менен Кант шаарындагы ооруканага жеткирилген»,- деп берилет маалыматта.
