«15-марттан тарта Кытайдын грантынын эсебинен «Жол тармагын өнүктүрүү» долбоорунун экинчи этабынын алкагында жолдорду калыбына келтирүү иштери улантылат», — деп деп билдирди мэриянын басма сөз кызматы.

Буга байланыштуу 14 жол тилкесинде унаалардын жүрүүсүн убактылуу чектөө пландаштырылууда:

1. Ак-Ордо конушундагы Каркыр көчөсү Гагарин көчөсүнөн Ак-Ордо көчөсүнө чейин;
2. Түгөлбай Ата көчөсү Ибраимов көчөсүнөн Орозбеков көчөсүнө чейин;
3. Ак-Ордо конушундагы Айбийке көчөсү Гагарин көчөсүнөн темир жол өтмөгүнө чейин;
4. Ажыбек баатыр көчөсү Жунусалиев көчөсүнөн Манас проспектисине чейин;
5. Жунусалиев көчөсү Арча-Бешик конушундагы Абдрахманов көчөсүнөн Масалиев көчөсүнө чейин;
6. Стадион көчөсү Ынтымак турак жай конушундагы Абдрахманов көчөсүнөн Магистраль көчөсүнө чейин;
7. Кокчетавская көчөсү Махатма Ганди көчөсүнөн Тоголок Молдо көчөсүнө чейин;
8. Ташкентская көчөсү Турусбеков көчөсүнөн Тоголок Молдо көчөсүнө чейин;
9. Жеңиш турак жай конушундагы Ленская көчөсүнөн Жеңиш көчөсүнө чейинки жаңы көчө;
10. Сухэ-Батор көчөсү Каралаев көчөсүнөн Шабдан Баатыр көчөсүнө чейин;
11. Койбагарова көчөсү Жукеев-Пудовкин көчөсүнөн Каралаева көчөсүнө чейин;
12. Фере көчөсү Тоголок Молдо көчөсүнөн Курманжан Датки көчөсүнө чейин;
13. Будённый көчөсү Чүй проспектисинен Жибек Жолу проспектисине чейин;
14. Огонбаев көчөсү Ибраимов көчөсүнөн Осмонкул көчөсүнө чейин.

Бишкек шаарынын жол тармагын өнүктүрүү боюнча долбоордун экинчи этабы эки жылга эсептелген. Бул убакыт аралыгында 5 көпүрө куруу жана жалпы узундугу 70 чакырымдан ашык 60 көчөнү оңдоо пландалууда.

Бул тизмедеги көчөлөрдүн көпчүлүгү кеңейтилет же жаңыланат, баарында тротуарлар жана ирригациялык тармактар ​​болот. Оңдоо иштери Кытайдын гранттык каражаттарынын эсебинен жүргүзүлөт.