Бишкектин мэри Айбек Жунушалиев маалымат жыйындын жүрүшүндө вице-мэр Максатбек Сазыкуловдун кармалышы боюнча комментарий берди.
«Сазыкулов менин транспорт жана коммуникация боюнча жооптуу орун басарым болчу. Укук коргоо органдарынын ага райондун акими болуп турган кезиндеги ишмердүүлүгү боюнча суроолору бар экен. Бул иштердин баары мен келгенге чейин жасалыптыр. Акыркы чечимди сот чыгарат деп ойлойм», — деди Жунушалиев.
Эскерте кетсек, Бишкектин вице-мэри Максатбек Сазыкулов мыйзамсыз курулган коммерциялык объектилерди калкалагандыгы үчүн кармалып, бир айлык мөөнөткө тергөө абагына киргизилди.
