Саясат талдоочу, тарыхчы, МУКтун Этнология институтунун директору Табылды Акеров: Атактуу Боз-Бөлтөк тоосунун наркы бетин оюп-казып жиберген ишкерлердин аракеттери токтотулду, бирок алардын айрымдары эмгиче соттошуп жатат, ошондуктан маселе азырынча толук чечиле элек. Анткен менен жакында жаштарды чогултуп, тоонун бетине көчөт отургузуп келдик жана мындай демилгени ар жыл сайын уланталы деген пикирдебиз.
Бишкектин айланасында гана эмес, шаардын өзүн дагы иретке келтирүү иштери башталганы элди кубантууда, мисалга, заманбап кенен автобустар алынып келип, жүрө баштаганы көчөлөрдөгү тыгындарды азайтты. Айрым учурларда тыгындар – шаар четинде турган ата-энелер балдарын мектепке алып барып, кайра алып кетип жатканда пайда болот. Негедир орус тилдүү мектептердеги билим берүүнүн сапаты жогору деген пикир коомдо калыптанып калган, муну дагы оңдоого убакыт жетип калгандай…
