Кыргызстандын бокс боюнча үч курама командасынын машыктыруучулар курамы отставкага кетти. Бул тууралуу Бокс федерациясынан билдиришти.
Тактап айтканда, Кыргыз курама командасынын башкы машыктыруучусу Данияр Жусубалиев, жаштар командасынын башкы машыктыруучусу Данияр Төлөгөн уулу жана жаштар командасынын башкы машыктыруучусу Улан Төлөнбай уулу кызматтан кетүү тууралуу арыз жазышкан.
Алардын кызматтан кетүүлөрүнө Жаштар иштери, дене тарбия жана спорт боюнча мамлекеттик агенттиктин, ошондой эле Федерациянын каржылык жактан камсыздай албай жатканы себеп болгон.
