Боом капчыгайында таш кулап жаткандыгына байланыштуу бир нече күнгө чейин унаа кыймылына чектөө киргизилет. Бул тууралуу «Кыргыз темир жолу» УК» мамлекеттик ишканасынын басма сөз кызматы билдирди.
Бишкек-Нарын-Торугарт жолундагы автоунаа жана темир жол кыймылынын коопсуздук иш-чараларына ылайык, 2021 жылынын 19-23 апрельге чейин, 3899 км Джиль-Арык –РЗД 148 (жолдун 129 км), 3901 км РЗД 148-Каямат-Куркол (жолдун 131 км) кооптуу таштарды түшүрүү болотурганын кабарлайт.
«ИИМ алдындагы ЖКККББ кызматкерлеринин жетекчилиги менен коопсуздук иш-чаралары жолду жарым-жартылай тоскондон кийин күндүзгү убакытта аткарылат. Унаа кыймыл маршрутуңузду алдын-ала пландаштырууну суранабыз», — деп жазылат маалыматта.
