БШК Жогорку Кеңештин төрагасы Талант Мамытовду талапкер катары каттоодон баш тартты. Бул тууралуу БШКнын өкүлү Акбалык Жумалиева билдирди.
Анын айтымында, жумушчу топ Талант Мамытов парламенттин төрагалык кызматын тапшырбаганын эске алып, аны каттабай коюуну сунуш кылган. Мыйзам боюнча жогору кызматты ээлеп турган жаран депутаттыкка талапкерлигин коюу үчүн кызматын тапшырышы керек. БШКнын 10 мүчөсү бул сунушту колдоду.
Эскерте кетсек, Талант Мамытов 28-ноябрда өтө турган парламенттик шайлоого «Ынтымак» партиясынын тизмесинде барары белгилүү болгон.
