Борбордук шайлоо комиссиясы мурдагы депутат Жаныбек Абировду Бишкектин Ленин району боюнча Жогорку Кеңешке шайлоого катышуу үчүн талапкер катары каттоодон баш тартты.
Чечим 2-августта БШКнын отурумунда кабыл алынды. Токтомдо Абиров мандатын тапшырганы үчүн шайлоо башталганын, ал башкалар шайлануусу үчүн орун бошотуп бергени үчүн кайра шайлоого катышпашы керектиги айтылган.
Эскерте кетсек, Жаныбек Абиров депутаттыкка талапкерлигин көрсөтүп, БШКга 28-июлда арыз жазган. Аны талапкер катары каттоо маселеси БШКнын жумушчу тобу карай турганы айтылган.
Бишкектин Ленин району боюнча Жогорку Кеңешке кайра шайлоо 10-сентябрда өтөт.
