Шайлоо жана референдум өткөрүү боюнча борбордук комиссиянын төрайымы Нуржан Шайлдабекова кызматынан кетти.
БШКнын жыйынында ал өз каалоосу менен мөөнөтүнөн мурда кызматтан кетүү боюнча арызын кароону өтүнгөн. Борбордук шайлоо комиссиясынын мүчөлөрү анын чечимин колдоп беришти.
Шайлдабекова 2016-жылдын июнь айында Борбордук шайлоо комиссиясынын мүчөсү, кийин төрайымы болуп дайындалган. 2021-жылдын июль айында БШКнын жаңы курамы түзүлгөндүктөн кайрадан төрайым болуп шайланган.
Борбордук шайлоо комиссиясынын жаңы жетекчиси болуп буга чейин төрайымдын орун басары болуп келген Тынчтык Шайназаров дайындалды.
