2026-жылы Бишкек шаарында 42 миң «акылдуу» эсептегич орнотуу пландалууда. Бул тууралуу Энергетика министрлигинен билдиришти.
Маалыматка ылайык, эсептегичтер Бишкек электр тармактар ишканасы тарабынан орнотулууда.
Белгилей кетсек, 2025-жылы Бишкек шаарынын райондорунда жалпысынан 28 миң «акылдуу» эсептегич орнотулду. Анын ичинде:
- Ленин районунда — 9 140;
- Свердлов районунда — 4 659;
- Биринчи Май районунда — 11 742;
- Октябрь районунда — 2 374.
Акылдуу эсептегичтердин артыкчылыктары:
- көрсөткүчтөрдү серверге реалдуу убакыт режиминде автоматтык түрдө өткөрүп берет;
- керектөө белгиленген кубаттуулуктан ашкан учурда электр энергиясын автоматтык түрдө өчүрөт;
- дебитордук карыз болгон учурда электр энергиясын автоматтык түрдө өчүрүп, төлөм жүргүзүлгөндөн кийин кайра күйгүзөт;
- эсептегичке тыштан кийлигишүү аракети аныкталганда дароо кабар берет;
- жеткирилген электр энергиясынын сапатын жогорулатат;
- электр энергиясын уурдоонун коркунучтарын азайтып, контролёр менен керектөөчүнүн түз байланышына болгон муктаждыкты кыскартуу аркылуу адам факторун жокко чыгарат;
- электр жабдууларын ашыкча жүктөөдөн коргойт.
