Кыргыз улуттук футболу үчүн 2021-жыл өзгөчө жылдардын бири. Себеби, быйыл биздин мамлекетте спорттук футбол оюнунун түптөлүшүнө туура жүз жыл болот.
1921-жылы 21-мартта Пишпек шаарында (азыркы Бишкек) шаардык команда менен Верный (азыркы Алматы) шаарынын футболчуларынын ортосунда жолдоштук беттеш болуп өткөн.
Беттеш 3:1 эсеби менен казак командасынын пайдасына чечилген. Бирок кеп жеңилүүдө эмес, кыргыз футболунун даңазалуу тарыхы дал ушул күндөн башталган. Тилекке каршы, голдордун авторлору, тарыхый биринчи беттештин катышуучуларынын аттарын дагы тарых беттеринде сактала элек. Кантсе да өлкөдө футбол сүйүүчүлөрдүн саны көбөйүп бара жатканы кубандырат. Ошондой эле, ар бир айылда футбол аянтчасы салынып, жаштар спорт менен алектенишүүдө.
Белгилей кетсек, 2021-жылы Кыргыз футбол бирлигинин жана ассоциациялардын колдоосу астында өткөрүлө турган бардык мелдештер жана иш-чаралар кыргыз футболунун 100 жылдыгына арналат.
