Милиция өткөн жылдын июль айында Чүй облусунда карындашын кордогон адамга ок чыгарган жаранды кармаган. Окуя 1-июль күнү Бишкек-Торугарт унаа жолунун 69-чакырымында болгон. Анда милицияга эркек кишинин октон жаракат алгандыгы боюнча билдирүү түшүп, ыкчам-тергөө тобу ал жерден 48 жаштагы жарандын жансыз денесин табышкан. Жабырлануучу «Тез жардам» кызматы келгенге чейин каза болгон.
Бүгүн, 20-июнда Сереп Медиа маалымат агенттиги шектүүнүн бир тууган карындашы менен байланышканда, агасы 3 жылга эркинен ажыратылганын билдирген. Мындай чечимди кечээ, 19-июнда Чүй райондук соту чыгарган.
Карындашынын айтымында, агасынын ушул күнгө чейин убактылуу кармоочу жайда жатканы 2 жыл деп эсептелип, бирок дагы 1 жыл жаза өтөрүн айткан. Ал соттун мындай чечимине нааразы экенин айтып, облустук сотко кайрыларын билдирген.
