Чүйдө аялын тирүүлөй жерге көмүп салган жаран иликтенүүдө. Окуя тууралуу журналист, алып баруучу Мирбек Осмонов социалдык тармактагы баракчаларына жазып, кесиптештерине чукул кайрылуу жасаган.
Анын айтымында, 22- апрель күнү саат 18:00 чамасында Панфилов районунун Кумарык айылынын тургуну аялын сабап, тирүүлөй жерге көмүп салган. Аны чоңоюп калган баласы көрүп калып кошуналарга айткан.
«Тегеректеги эл чогулуп жерди кайра казып, аялды тирүү алып чыгышкан. Бул боюнча жергиликтүү тургундар милицияга кайрылган. Милиция окуя болгон жерге келип, зөөкүрду кармап кеткен. Эки сааттан кийин кайра коё берген. Эми аялын өлтүрөм деп кууп жүрөт дешүүдө. Бул окуяны иликтөө үчүн баардык журналисттерге чукул кайрылам», — дейт ал.
