Чүй облусунун Кемин районунун Боролдой айылындагы мыйзамсыз менчиктештирилген спорт зал мамлекеттин менчигине кайтарылды. Бул тууралуу УКМК кабарлады.
2000-жылы спорт зал райондук билим берүү бөлүмүнүн эсебинде турган кошумча мектептин бир бөлүгү болгон. Бул мектеп жабылгандан кийин жооптуу адамдар жеке кызыкчылыгын көздөп, социалдык инфраструктуралык объектилерди ээликтен ажыратууга тыюу салган мыйзамдарын бузуп, аталган объектини жеке жактарга мыйзамсыз өткөрүп беришкен.
Натыйжада менчик ээси мүлккө мыйзамсыз ээлик кылуу жана пайдалануу фактысын мойнуна алып, өз ыктыяры менен Кеминдеги Кичи-Кемин айыл аймагынын балансына 1500 м2 жана чектеш 2 га аянты менен объектти өткөрүп берди.
