Чүй облусунун Аламүдүн районунунда “Гроздь курулуш” ишканасы ачылды. Курулуш жумуштары жана жабдууларды коюу иштери аяктап, азыркы учурда сыноо режиминде иштеп жатышат. Өндүрүштүн суткалык кубаттуулугу 50 миңден 150 миңге чейин жетмекчи.
Ишкана кыргыз-кытай кызматташтыгынын алкагында түзүлүп, жалпы инвестициянын көлөмү 4 млн долларды түзөт. Өндүрүш толугу менен автоматташтырылып, атайын роботтор иштегендиктен көп жумуш күчү талап кылынбайт. Ушул тапта заводдо 40ка жакын жумушчу эмгектенет.
Бул заводдун эң башкы өзгөчөлүгү — орнотулган атайын фильтр. Ал суунун жардамында ышты толугу менен тазалап, айлана-чөйрөгө зыян келтирбейт.
