Чүйдө окуучуларды сүзүп, качып кеткен айдоочу кармалды. Бул тууралуу ЖКККБнын басма сөз кызматы билдирди.
13-март күнү Ысык-Ата районун Люксембург айылынан Ленин көчөсүндө жайгашкан Ваккер атындагы орто мектебинин жанындагы жөө жүргүнчүлөр өтүүчү өтмөктөн өтүп бара жаткан 4-класстын окуучуларын айдоочу сүзүп, окуя болгон жерден качып кеткен.
Бул факты боюнча ыкчам издөө иш-чаралары жүргүзүлүп, жол кырсыгына шектүү делип 2000-жылкы жаран кармалып, тергөө кызматына өткөрүлүп берилди.
Ал эми “Мерседес Бенц” үлгүсүндөгү унаасы айып короо жайына токтотулду. Учурда териштирүү иштери жүргүзүлүүдө.
