Чүйдүн Ысык-Ата районунда 11-класстын окуучусун ат сүйрөп кетип каза болду. Бул тууралуу Чүй ОИИБден билдиришти.
Маалыматка караганда, окуя 1-январда Ысык-Атанын Бирдик айылында болгон. Анда 2006-жылкы бала малын айылдын четиндеги талаага жайганы барган. Саат 16:30 чамасында үйүнө кайтып бара жатканда аттан жыгылып, үрккөн ат сүйрөп кеткен. Окуяга күбө болгон жаран жылкыны токтотуп, Тез жардам чакырган.
Өспүрүм Ысык-Ата аймактык ооруканасынын жандандыруу бөлүмүндө эсине келбей көз жумган.
Учурда бул факт каттоого алынып, тергөөгө чейинки текшерүү башталды.
