Жергиликтүү кеңештин депутаты алдамчылыкка шектелүүдө. Бул тууралуу ИИМден билдиришти.
Милицияга Чүй облусунун Достук айыйлынын тургундары жергиликтүү кеңештин депутатынын аракети боюнча арызын кароо өтүнүчү менен кайрылышкан. Маалым болгондой, айылдык кеңештин депутаты суу өткөрөбүз деп тургундардан 3500 сомдон акча чогултуп алган. Бирок, тургундар аткарылган иштерге нааразы болгон, түтүктөр сапатсыз болуп, жарабай калган.
Маалыматтарга караганда, демөөрчү катары би фонд аркылуу ишти жеке фирм жүргүзгөн.
Козголгон кылмыш ишинин алкагында ыкчам-иликтөө иштери жүргүзүлүп, Аламүдүн районундагы жергиликтүү айылдык кеңештин депутаты И.У. аттуу жаран тергөө кызматына жеткирилип, убактылуу кармоочу жайга киргизилген. Аталган жаран буга чейин да бир нече жолу кылмыш жоопкерчилигине тартылган, учурда башка кылмыш иши боюнча айыпталууда.
Тергөө амалдары улантылууда. Келтирилген чыгым такталууда.