Жалал-Абад облусунун Сузак районунун Винсовхоз айылындагы чайканадан өрт чыгып, 2 адам каза болду. Бул тууралуу Өзгөчө кырдаалдар министрлигинин басма сөз кызматынан билдиришти.
Маалым болгондой, А.Нураков №1 көчөсүндөгү жалпы аянты 308 чарчы метрди түзгөн чайкана толугу менен күйүп кетип, өрттү өчүрүүгө жалпы 3 бөлүм тартылып, жалын толугу менен таңкы саат 05:01де өчүрүлгөн.
Ал жерден куткаруучулар 59 жана 87 жаштагы жарандардын сөөгүн чыгарышып, милицияга өткөрүп беришкен.
Учурда өрттүн себептери такталууда.
