Америкалык миллиардер Илон Маск OpenAI коммерциялык эмес уюмун сатып алуу сунушун киргизди. Бул тууралуу чет элдик басылмалар жазып чыкты.
Белгилүү болгондой, OpenAI коммерциялык эмес уюму ChatGPT чат ботун түзүү менен таанымал. Аталган бот 2022-жылдын ноябрь айында ишке киргенден кийин популярдуулукка ээ болуп, бир жумага жетпеген убакытта өзүнүн биринчи миллион колдонуучусун топтой алган.
Ал эми OpenAI’дын башкы директору Сэм Альтман Масктын сунушуна макул эместигин билдирген. Ал бул тууралуу Х социалдык тармактагы баракчасына жазган.
